Impuls Radio 
Ново Село слави! ФК Огражден ја круниса фантастичната сезона со шампионска титула, откако во последното коло славеше со сигурни 2:0 против ФК Интер-Кукла.
Во натпревар кој го привлече вниманието на љубителите на фудбалот од целиот струмички регион, домаќините уште еднаш покажаа зошто оваа сезона беа најдобриот тим во лигата. Првиот погодок беше постигнат по несреќен автогол на гостинската екипа, а шампионската победа ја завери Тасев, кој ја затресе мрежата за конечни 2:0 и почеток на големото славје
По последниот судиски свиреж следуваа сцени за паметење – играчите, стручниот штаб и навивачите заедно ја прославија заслужената титула. Пехарот заврши во рацете на шампионите, а Ново Село уште еднаш покажа дека живее за фудбалот.
Сезона исполнета со борба, пожртвуваност и одлични резултати заврши на најубав можен начин – со шампионска титула и радост која долго ќе се памети.
🏆 Шампион на Општинската фудбалска лига за сезоната 2025/26 – ФК Огражден Ново Село!
Честитки до играчите, стручниот штаб, управата и верните навивачи за големиот успех! 🎉⚽💛🖤
Фото: Славје во Ново Село по освојувањето на шампионската титула.
About The Author
